مدرب أقل ما يقال عنه ( جبان ) !

بسم الله الرحمن الرحيم .

السلام عليكم ورحمة الله وبركاته ..


هاردلكم يازعماء .. للأسف كلمة اعتقد راح نسمعها كثير هالموسم في ضل وجود هـ المدرب اللي مدري شقول عنه

فريقك متقدم ويلعب باب واحد على فريق الخصم . وتسحب مهاجم وتنزل محور وش هـ المدرب الجبان !!

من اول مامسك الفريق الى الان ماشفته يبدا التشكيله براسين حربه حتى مع ( الفرق الصغيره ) , دائماً يبدا متحفظ هذا يدل انه جبان ومابراسه تدريب .

..

رساله الى الأمير ( عبدالرحمن بن مساعد ) مقدرين تعبك وتضحيتك بصحتك ومالك من اجل النادي .

لكن سكوتك عن تخبطات المدرب بدون اي تدخل منك راح تضيع الفريق وتضيعنا معاك , احنا مقبلين على بطولات غير الدوري وفي ضل هـ الوضعيه ماراح نقدم فيها شي , يجب انقاذ الفريق بأبعاد هـ المدرب المفلس فنياً .


النقطه الثانية اللي هي الاعبين الاجانب

التعاقدات الأخيره ماننكرانها مهمه لتعزيزالفريق وتقوية الدكه . لكن لو تجيب اصغر مشجع هلالي وتسأله الهلال وش محتاج ؟

يقولك صانع العاب ومهاجم ,

دام جبت مهاجم كملها وشيل ( نيفيز) لو توديه اعاره وجيب صانع العاب مثل ( عمر عبدالرحمن ) وهو المتاح حالياُ ويكون بدل ( بينتللي ) اللي نقدر نعوض خانته بـ ( عبدالله عطيف ) او ( سلمان الفرج ) بجاانب ( كريري ) ..


الحلول موجوده لكن وين اللي يحس !



هذي وجهة نظري , قد يخالفها البعض و يوافقها اخرون .. لكن أتمنى تحترم :rose:




..