السلام عليكم ورحمة الله وبركاته
في البداية أمسي على الجميع
وهذا أول موضوع لي من تاريخ تسجيلي حيث كنت أكتفي بالمشاهدة والقراءة فقط لاسيما وأن المشاغل كثيرة لكن هالموضوع كنت أود طرحه من زمان لعل وعسى يلقى آذان صاغية من الإدارة
ندخل بالموضوع
ملاحظتي هي وجود حاجز بين اللاعبين والجمهور
وهالحاجز شكل بُعد وجفوة وعدم ترابط بين اللاعبين وبيننا كجمهور وهذا برأيي اللي يخلي اللاعبين يقل حماسهم وروحهم المعنوية وتفاعلهم مع الجمهور إلا من الكابتن الكبير ناصر الشمراني اللي وهو لاعب جديد تقريباً على الفريق إلا أننا نشوف منه تفاعل وبعد أي هدف يتجه للجمهور أو يحييهم
ولتقريب وجهة نظري شوفوا لاعبين الإتحاد مثلا بعد أي هدف لابد يتجهون للجمهور ويطلعون السياج والجمهور يتفاعل معهم ويشجعهم .
أنا حضرت كم تمرين وعجزت التقي مع اللاعبين أو أخلي طفلي يصور معهم بسبب رجال الأمن اللي فارضين طوق على اللاعبين بتعليمات الإدارة اللي معيشة اللاعبين ببرج عاجي وما يخلونهم يحسون بمعاناتنا وحبنا وتفاعلنا
وأتمنى من الإدارة ملاحظة هالشيء .
وأقترح عمل لقاءات شهرية مع الجمهور في صالة النادي أو يوم يكون التمرين مفتوح للجمهور ليلتقي مع اللاعبين لاسيما قبل المباريات الهامة بفترة أسبوع على الأقل لشحذ الهمم وإزالة التوتر وغيري عنده الكثير من الآراء اللي تخدم الزعيم
أتمنى أكون قدرت أوصل الفكرة والمعذرة على الإطالة وشكرا
Aucun commentaire:
Enregistrer un commentaire