سمعنا عن ان إدارة الهلال تفاوض لاعب اسمه ياتباراي ، جيد ولكن !

بسم الله الرحمن الرحيم.



بدون مقدمات، إدارة الهلال تسعى جادة للتعاقد مع مهاجم (رأس حربة) هداف، طبعاً لاشك هذا هو السعي المطلوب ولكن حينما بحثت جلياً عن اللاعب وناديه وأهدافه واسلوب لعبه وجدته حقيقة لا يناسب اسلوب لعب الهلال (إذا) كان بجانب ناصر الشمراني طبعاً إذا لم يكن بجانبه ناصر راح يبدع في توقعي، واللي أقصده إن الهلال يحتاج للاعب يستطيع اللعب في مركزين وهي رأس حربة حتى نستفيد منه في المباريات التي لن يستطيع اللعب فيها ناصر، والمركز الثاني هو (المهاجم الثاني) أو (خلف المهاجمين) زي بالضبط ياسر، يعني يكون خلف ناصر ونستفيد منه في حاجتين (1- مساندة ناصر هجومياً، 2- مساندة تياقو نيفيز في تخفيف الرقابة عليه وسحب بعض المراقبين له). وطبعاً اللي يمتلك هالمواصفات لقيته 😍، ولا مو بس كذا ، يلعب في نفس النادي اللي يلعب له ياتباري وهو طرابزون، وأزيدكم بعد ان ياتبارا يلعب احتياط لهذا اللاعب الفذ،



قبل لا أدخل في التفاصيل المملة شوي ، أبغى أعطيكم نبذة مختصرة عن هاللاعب، يعني بطاقته الشخصية وبعض المعلومات :



الاسم : أوسكار كاردوزو .

الوزن: 87 كغم.

الطول: 193 سم 😍 . باقي 2 سم بس ويصير أطول من خوينا مانجان 😂😂 .

العمر: 31 سنة ، مواليد عام 1983

الجنسية: باراجواي

يلعب بالقدم اليسرى .

أبرز الأندية التي لعب لها : بنفيكا البرتغالي . طرابزون التركي .



طبعاً بتقولون وش هو السبب اللي خلاك تقول إن اللاعب راح يساعد تياقو كثير في مساندته له وفك الرقابة عنه، السبب هو إن اللاعب يملك قوة تسديدات خيالية، ويملك أيضاً مهارة التسديد عن بعد وهي التي يملكها أيضاً تياقو ، فوجود لاعبين في فريق واحد بنفس المواصفات راح يجعل منافسينا في حيرة يراقبون من ويخلون من ☺️ ،



أيضاً اللاعب قوته في فيفا 15 (80) يعني أقوى من ناصر ب+4 ، لأن ناصر قوته 76 ، وتعرفون فيفا موقع رسمي ويعتمد كل شيء من الأندية نفسها .



طبعاً في فيفا 15 يحطون لبعض اللاعبين ميزات واختصاصات لكل لاعب (مميز) أو (اسطوري)



من ضمن الميزات له : 1- ضربة حرة قوية 😍، يعني إن غاب تياقو جاء اوسكار ☺️ .

2- قادر على التسديد البعيد . 3- صاحب الرأسيات القوية .

من ضمن اختصاصاته : 1- قناص، يعني يجيب أهداف على طريقة القنص وهي على الطاير .

2- صياد الفرص ، يعني يقتنص الفرص سواء كانت عرضيات أرضية أو هوائية أو كرة طويلة أو تسديدات بعيدة أو فاولات أو أو أو ☺️☺️ .



الشيء المميز في اللاعب إنه يلعب بالقدم اليسرى ، يعني إن احتجناه راس حربة يصير ناصر يمين وهو يسار ☺️ ،



اللاعب استطاع أن يصل مع فريق بنفيكا فقط (طبعاً لعب مع أندية قبل بنفيكا لكنها صغيرة) إلى 100 هدف، لا أعلم متى بالضبط وصل لها ولكن المهم وصل لها مع فريق واحد ☺️، طبعا. انتقل لبنفيكا عام 2007، ممكن وصل ل100 هدف عام 2011 مثلاً أو 2012 ، لأني بحثت متى وصل لل100 هدف ومالقيت والله .



والله لقيت للاعب مقاطع (تلخيص أهداف) كثيرة لكن المشكلة إن كلها فيها موسيقى ، وأنا رجال مالي ومال الذنوب ، يالله يالله نفسي ، نسأل الله المغفرة والعفو .



أتمنى من الإدارة الاطلاع على موضوعي ، وطبعاً مافيه إلا حل واحد يجيبونه بديل لبينتلي، الحمدلله المحاور عندنا كثير وجيدين، وعندي معلومة أبغى أقولها ، ترى ديقاو يستطيع اللعب في (المحور الدفاعي) ولعب كذا مباراة في الدوري البرازيلي في هذا المركز، يعني إن جت ظروف وغاب كريري والغنام ولا من هالأمور نستعين بالوحش في هالمركز 😍 .



ملاحظة/ وقد تكون مشكلة، إن اللاعب موقع مع طرابزون التركي في بداية هالعام ، ولكن مالقيت له أهداف مع طرابزون إن شاء الله مايبدع، ويبدع ياتباري معهم ويخلونه ☺️ لأننا منب في حاجته والله ..



وصلى الله وسلم وبارك على نبينا محمد ..